ડિજિટલ ગુજરાત શિષ્યવૃત્તિ યોજના 2025 ફોર્મ ભરવાના થઈ ગયા શરૂ!

Digital Gujarat Scholarship: શિષ્યવૃત્તિ યોજના વિશે માહિતી

ગુજરાત રાજ્યના વિદ્યાર્થીઓ માટે શિક્ષણક્ષેત્રે સહાયરૂપ થવા માટે ગુજરાત સરકાર દ્વારા “ડિજિટલ ગુજરાત શિષ્યવૃત્તિ યોજના” (Digital Gujarat Scholarship Yojana) અમલમાં મૂકવામાં આવી છે. આ યોજના હેઠળ રાજ્યના એસસી, એસટી, ઓબીસી, ઇબીસી અને અન્ય પછાત વર્ગના વિદ્યાર્થીઓને વિવિધ શિષ્યવૃત્તિઓ આપવામાં આવે છે, જેથી તેઓનું ઉચ્ચ અભ્યાસ અટકે નહીં અને તેમને આર્થિક સહારાની જરૂરિયાતને ધ્યાનમાં રાખી શકાય.

ગુજરાતના દરેક વિદ્યાર્થીઓ જે હાલમાં અભ્યાસ કરી રહ્યા છે તેમને આ યોજનાનો લાભ મળી શકે છે અને આ યોજનાનો લાભ દર વર્ષે વિદ્યાર્થીઓને મળતો હોય છે, આ યોજના ખાસ કરીને ગરીબ વિદ્યાર્થીઓને ભણવામાં મદદરૂપ થાય તે માટે બનાવવામાં આવી છે આમ તો આ યોજનાનો લાભ દરેકે દરેક વિદ્યાર્થીઓને મળતું હોય છે પરંતુ અમુક લાયકાત કે માપદંડ નક્કી કરવામાં આવ્યા છે જેના આધારે આ ડિજિટલ ગુજરાત સ્કોલરશીપ યોજનાનો લાભ મળતો હોય છે.

ફોર્મ ક્યારથી ભરવાના શરૂ થયા છે?

2025 માટે ડિજિટલ ગુજરાત શિષ્યવૃત્તિ ફોર્મ ભરવાની પ્રક્રિયા જુલાઈ 2025થી શરૂ થઈ ગઈ છે. વિદ્યાર્થીઓને તેમના તમામ જરૂરી ડોક્યુમેન્ટ્સ સાથે તાત્કાલિક અરજી કરવાની સલાહ આપવામાં આવે છે, જેથી અંતિમ તારીખ પહેલાં ફોર્મ સબમિટ કરી શકાય

15 જુલાઈ 2025 થી એસી અને એસટી વિદ્યાર્થીઓના શિષ્યવૃત્તિ ફોર્મ ભરવાના શરૂ થઈ ગયા છે જો તમારું સમાવેશ આમાં થતું હોય તો તમે અત્યારથી જ અરજી કરી શકો છો.

17 જુલાઈ 2025 થી ઓબીસી વિદ્યાર્થીઓના ફોર્મ ભરવાના પણ શરૂ થઈ ગયા છે, જો તમારી આના વિશે વધુ માહિતી જોઈતી હોય તો તમે ઓફિસિયલ વેબસાઈટમાંથી માહિતી મેળવી શકો છો.

શિષ્યવૃત્તિ યોજના માટે લાયકાત અને માપદંડ

ઉમેદવાર ગુજરાતનો સ્થાયી રહેવાસી હોવો જોઈએ.

ઉમેદવાર એસસી, એસટી, ઓબીસી, ઇબીસી, સેબીસી વર્ગમાંથી હોવો જોઈએ.

ઉમેદવાર માન્ય શૈક્ષણિક સંસ્થામાં અભ્યાસ કરતો હોવો જોઈએ.

SC/ST માટે: ₹2.5 લાખ સુધી

OBC/EBC માટે: ₹1.5 લાખ સુધી

SEBC માટે: ₹2 લાખ સુધી

શિષ્યવૃતિ યોજનામાં ફોર્મ ભરવાના દસ્તાવેજ

• આધાર કાર્ડ
• પોસ્ટ ઓફિસ પાસબુક અથવા બેંક પાસબુક
• છેલ્લા વર્ષના માર્કશીટ
• અભ્યાસ પ્રમાણપત્ર
• આવક પ્રમાણપત્ર
• જાતિ પ્રમાણપત્ર
• પાસપોર્ટ સાઇઝ ફોટો
• ફી પાવતી
• હોસ્ટેલ પુરાવો (જો હોસ્ટેલમાં રહેતા હોય તો)

ડિજિટલ ગુજરાત શિષ્યવૃત્તિ માટે અરજી પ્રક્રિયા

જે પણ વિદ્યાર્થી મિત્રોને આ ડિજિટલ ગુજરાત શિષ્યવૃત્તિ યોજનામાં અરજી કરવી છે તે વિદ્યાર્થીઓ નીચે આપેલા પગલાં અનુસાર પોતાની અરજી કરી શકે છે.

1. વેબસાઈટ ખોલો: https://www.digitalgujarat.gov.in
2. “Login” પર ક્લિક કરીને “New Registration” કરો.
3. જરૂરી માહિતી ભરીને યુઝર આઈડી અને પાસવર્ડ બનાવો.
4. તમારી લૉગિન વિગતોથી સાઇન ઇન કરો.
5. “Scholarship” વિભાગમાં જઈને તમારી યોગ્ય યોજનાનું પસંદ કરો.
6. અરજી ફોર્મમાં તમારી તમામ વિગતો ભરો.
7. જરૂરી દસ્તાવેજો સ્કેન કરીને અપલોડ કરો.
8. ફોર્મ સબમિટ કર્યા પછી એક રસીદ/પ્રિન્ટ કાઢી લો.
9. કેટલીક યોજનાઓમાં ફોર્મ સબમિટ કર્યા પછી તેને કોલેજમાં સબમિટ કરવું પડે છે.

ખાસ સૂચનાઓ:

માત્ર માન્ય શૈક્ષણિક સંસ્થામાં અભ્યાસ કરતા વિદ્યાર્થીઓ જ અરજી કરી શકે છે.

દરેક વર્ષ નવી અરજી કરવી ફરજિયાત છે.

સંપૂર્ણ અને સાચી માહિતી જ ભરો, ખોટી માહિતીથી અરજી રદ થઈ શકે છે.

છેલ્લી તારીખ પહેલાં અરજી કરવી.

સંપર્ક માટે:

ડિજિટલ ગુજરાત હેલ્પલાઇન: 1800 233 5500

વેબસાઈટ: https://www.digitalgujarat.gov.in

ઈમેલ: helpdesk@digitalgujarat.gov.in

વધુ માહિતી:

ડિજિટલ ગુજરાત શિષ્યવૃત્તિ યોજના 2025 એ વિદ્યાર્થીઓ માટે એક ઉત્તમ અવસર છે કે જે પોતાની આર્થિક પરિસ્થિતિને ધ્યાનમાં રાખી શિક્ષણ આગળ ચાલુ રાખી શકે. યોગ્ય સમયે અરજી કરો અને સરકારની આ સહાયનો લાભ લો.

આ વાંચો:- SC, ST અને OBC વર્ગ માટે વિવિધ સ્કોલરશિપ યોજનાઓ